Muzeu i Maqedonisë, i cili gjendet nën Kalanë e Shkupit, është një institucion muzeor, i përbërë nga disa departamente: Departamenti Etnologjik, Departamenti Historik dhe Departamenti i Artit.

Aktivitetet kryesore të muzeut janë kërkimi, grumbullimi, dokumentimi, prezantimi dhe publikimi i materialeve muzeale nga zonat përkatëse. Në kuadër të muzeut, vepron dhe Laboratori për Konservim, sektori për edukim, si dhe departamenti i marketingut, aktivitetet e të cilit janë prodhimi dhe shitja e kopjeve komerciale të eksponateve më të rëndësishme të muzeut.

Përbërja historike përfaqëson historinë shpirtërore, kulturore dhe politike të periudhës otomane deri në fund të Luftës së Dytë Botërore dhe periudhën e pasluftës. Brenda ekspozitës historike është prezantua dhe ekspozita e përhershme "Refugjatët maqedonas nga Lufta e Dytë Botërore dhe Lufta Civile në Greqi".

Në galerinë e ikonave janë ekspozuar ikonat më të rëndësishme, ikonostaset dhe afresket nga periudha bizantine dhe periudha e renesancës. E njëjta aktualisht është duke u rikonstruuar.

Departamenti etnologjik prezanton njësitë tematike nga: kostumeve popullore dhe bizhuteri, arkitektura tradicionale, zakonet, instrumentet muzikore, pëlhura popullore dhe orendi shtëpiake, si dhe punime zejtarie dhe popullore.
Në kuadër të kompleksit të muzeut gjendet edhe monumenti kulturor-historik Kurshumli an.