Higjiena Komunale-Shkup

ParkingTransport publikWi-Fi ZonëAir-kondicioner


  • Telefon 2: 02 3224961
  • Faksi: 02 3229039
  • Orari i punës: Ha - Pr nga 07:00 deri më 15:00



Foto nga vendndodhja
NP “HIGJIENA KOMUNALE” - SHKUP


NP “Higjiena Komunale” – Shkup, themelues i së cilës është Qyteti i Shkupit, është njëra prej ndërmarrjeve më të mëdha nga fusha komunale në Republikën e Maqedonisë.

Gjatë ekzistencës dhe funksionimit të saj njëqindvjeçar, NP “Higjiena Komunale” – Shkup me sukses kujdeset për mirëmbajtjen e pastërtisë publike në territorin e Qytetit të Shkupit. Duke u zhvilluar së bashku me zhvillimin dhe modernizimin e qytetit të Shkupit, përmes organizimit të mirëfilltë, efikasitetit, përgjegjësisë dhe disiplinës, NP “Higjiena Komunale” – Shkup u bë lider në fushën e veprimtarive komunale në shtetin tonë.

Në ndërmarrjen janë të punësuar rreth njëmijë punëtorë dhe ndërmarrja disponon me mbi 130 automjete të specializuara komunale për mbledhje dhe transportim të mbeturinave komunale dhe për realizim të veprimtarive të tjera që janë në kompetencë të ndërmarrjes.

KUJDESI I I PËRDITSHËM PËR PASTËRTINË PUBLIKE DHE PËR PAMJEN URBANE TË METROPOLIT TË MAQEDONISË:

- Mbledhja dhe transportimi i mbeturinave komunale nga kontejnerët e vendosura në sipërfaqet e komunikacionit publik, nga shportat plastike të lokalizuara në amvisëritë individuale dhe nga shportat për mbeturina në qytetin e Shkupit, realizohet në tre ndërrime gjatë 24 orëve, shtatë ditë në javë, 365 ditë të vitit. Shërbehen më shumë se 140 mijë amvisëri dhe dhjetëra mijëra subjekte ekonomike dhe institucione të mjediseve urbane dhe rurale. Në Deponinë “Drislla” në vit transportohen dhe deponohen më shumë se 130 mijë tonelata të mbeturinave komunale.

- Mirëmbajtja e higjienës së sipërfaqeve të komunikacionit publik në territorin e Qytetit të Shkupit, që nënkupton larjen dhe pastrimin e tyre në mënyrë manuale dhe makinerike.

- Selektimi i paketimeve dhe mbeturinave nga paketimet (plastika, letra dhe kanoçe) në më shumë se 250 kontejnerë qëllimorë me rrjete metalike, të vendosur në më shumë lokalitete në territorin e Qytetit të Shkupit dhe rreth një mijë sete me nga 4 shporta qëllimore plastike të lokalizuara në institucionet arsimore dhe publike. Përpunimi dhe balimi i mbeturinave të selektuara në oborrin riciklues në Lagjen Karposh 3, ku janë të vendosura enë të specializuara në të cilat qytetarët e Qytetit të Shkupit mund të hedhin mbeturinat e panevojshme elektronike, të qelqit dhe mbeturinat metalike.

- Stacionari për përkujdesje të qenve endacak “Vardarishte”, në të cilin me sukses po realizohet Projekti për trajtim human të qenve endacak në territorin e qytetit të Shkupit, sipas programit „Catch, neuter, release“ („Kapje, sterilizim, lëshim“), i kuptimësuar nga Lidhja Botërore për mbrojtjen e kafshëve (WSPA) dhe Shoqëria Mbretërore për mbrojtje të kafshëve nga Britania e Madhe (RSPCA), i përkrahur edhe nga Organizata Botërore e Shëndetit (WHO).

- Edukimi i popullatës së re për raport të drejtë ndaj higjienës dhe ambientit jetësorë.

- Përkrahja dhe organizimi i manifestimeve publike për nga aspekti i mirëmbajtjes së higjienës publike.

- Eko – patrullat që janë të obliguara të lokalizojnë mbeturinat komunale të hedhura në mënyrë informale dhe marrjen e masave konkrete për mbrojtjen e ambientit jetësorë. Edukimin e qytetarëve për mënyrën e veprimit me mbeturinat komunale, respektimin e rendit komunal të impelementuar në qytet, me qëllim ruajtjen e ambientit të shëndoshë jetësorë.



POLITIKA JONË ZHVILLIMORE

Vizioni i NP “Higjiena Komunale” – Shkup është “Shkupi i Pastër dhe qytetarë të lumtur”
Që të realizohet ky vizion, gjatë funksionimit tonë po implementohen standardet evropiane dhe po shfrytëzohen teknikat dhe teknologjitë më bashkëkohore.

Për zmadhim të efikasitetit dhe efektivitetit gjatë realizimit të funksioneve të ndërmarrjes dhe ngritjes së cilësisë së shërbimeve, në rrjedhë është implementimi i standardit për cilësi ISO 9001:2008.

Në ndërmarrjen është implementuar sistemi bashkëkohorë i informimit, i cili mundëson zbatim të teknologjive informatike gjatë funksionimit të përditshëm (ekzistimi i më shumë aplikimeve të softuerit).

Është instaluar qendra bashkëkohore kompjuterik me katër serverë, të lidhur me modus optik me më shumë se 120 njësi punuese të lokalizuara në katër lokalitete, në një rrjet të vetëm të informacioneve.

NP “Higjiena Komunale” – Shkup përpiloi UEB faqen e re funksionale, përmes së cilës i prezanton aktivitetet e saja të përditshme dhe qytetarëve u mundëson një mënyrë të shpejtë dhe të thjeshtë të sigurimit të informacioneve të nevojshme në lidhje me shërbimet që i ofron ndërmarrja. Me këtë sigurohet transparencë e plotë gjatë funksionimit të ndërmarrjes.

Synimi jonë është përmbushja dhe tejkalimi i rezultateve të pritura nga ana e shfrytëzuesve të shërbimeve tona. Për këtë arsye edhe në periudhën vijuese, me përkushtim do të përpiqemi që vazhdimisht të ngritët cilësia e shërbimeve tona.
më shumë
Foto nga vendndodhja
Mapa

Логирај се на Златна Книга

Корисничко имеЛозинка


Нов корисник? | Заборавена лозинка? | Откажи